Koncept "2plus – Dwurěčna serbsko-němska šula"

2plus je šulske typy přesahowacy pedagogiski koncept za serbsko-němske šule w Sakskej za zažne přiswojenje wjacerěčnosće. Wot šulskeho lěta 2013/14 so wšitcy šulerjo na serbskich šulach po tutym nowym šulskim koncepće dwurěčnje wuwučuja. Tež naša serbska wyša šula dźěła po koncepće 2plus.

Zaměr je, zo maja wšitcy šulerjo našeje šule aktiwnu serbsko-němsku dwurěčnosć docpěć, njewotwisnje wot dateho rěčneho niwowa. Předmjet serbšćina so wotwisnje wot rěčneho stawa šulerjow w třoch rěčnych skupinach wuwučuje. W tutym předmjeće je serbska rěč wučbna rěč kaž tež wučbny předmjet, mjeztym zo je wona w druhich předmjetach dospołnje abo dźělnje wučbna rěč. Wuknjenske wobsahi wěcnofachowych předmjetow so po móžnosći bilingualnje wuwučuja. Za to skutkuja na našej serbskej wyšej šuli přewažnje dwurěčni wučerjo.

Link: » www.schule.sachsen.de/download/19_03_21_2plus_UA_barrierefrei.pdf

Šulski program

Šulski program Serbskeje wyšeje šule „Dr. Marja Grólmusec“ w Radworju steji pod wodźacym wobrazom:
„Witajće k nam – Wir lernen gemeinsam“

Link: » Šulski program

Twarjenje

Naša šula so zestaja z wšelakorych zwisowacych twarjenjow, kotrež sebi ze Serbskej zakładnej šulu dźělimy. We hłownym twarjenju wužiwamy stwě 01 a 04 sami a stwu 02 ze zakładnej šulu. W zadnim nowym twarjenju dźělimy sebi stwy 09 a w pincy 20,21 a 22. K šuli přisłuša tež sportowa hala „Slawija“, kotraž so wot wobeju šulow wužiwa.