Šula Radwor pyta chórowu nawodnicu / chóroweho nawodu!
Štó móže pomhać?
Rady spěwamy, nimamy pak nawodnicu / nawodu. Serbska zakładna šula Radwor pyta angažowanu chórowu nawodnicu/ chóroweho nawodu, kotraž / kotryž z radosću, angažementom a zapalom dźěći, kiž rady spěwaja, do sylneho šulskeho chóra hromadu wjedźe. Naš chór ma šulske zarjadowanja kulturnje wobrubić a wosebje tež serbsku rěč a kulturu hajić. Wjeršk je 100-ty šulski jubileji w šulskim lěće 2026/27. Tež nawodnicu/ nawodu za dźiwadłowu skupinu bychmy lubje witali. Wjeselimy so na Wašu podpěru za wutwar kulturneho žiwjenja na našej šuli. Dźěławosć wopřijima we wobłuku GTA-honorarneho zrěčenja tydźensce hodźinu za probowe dźěło. Čas za wustupy / předstajenja so přidatnje honoruje. kontakt: 035935/23275 knj. Rynčowa
